هذي قصة تفكرتها اليوم صارتلي عندها مدة طويلة تفركتها اليوم على خاطر من نهار صراتلي وليت مانهز ومانرد في التلفون على حتى أحد رقمه ماشي مسجل عندي في قائمة الأصدقاء و قائمة أرقامي الخاصة للإتصال .
علاه راني نحكيهالكم اليوم على خاطر أحد من أصدقائي رقمه ماشي مسجل عندي عيطلي في تلفون وماهزيتش عليه كي تلقيت بيه قالي علاه ماهزيتش عليا لقيت مبلع التلفون رديت عليه تلفوني ماشي مبلع بصح راني مبرمج الهاتف في الإعدادات الإتصال أي رقم مجهول أو غير مسجل في ذاكرة عندي تلفون مايرنش عندي مايصونيش يروح للقائمة سوداء ليست بلوك
سقساني علاه كاش ماشفت منها قتله لا بصح صراتلي قصة من يومها وليت مانردش على رقم مجهول أو غير مسجل عندي .
في واحد نهار وفي ولاية من ولايات الجنوب الجزائري بدون ذكر الولاية علبالي الجزائريين كامل يعرفوها مهم كنت راح ندخل عند حتنوت نتاع عقاقير يبيع عقاقير وتوابل وزيت زيتون وووو
مهم أنا كنت حاب نشري زيت زيتون على خاطر نحبها ونستعملها في كل ماكولات أي كي دخلت عنده وتعرفوا أصحاب هذي حوانت نتاع عقاقير تلقاه داير كونطوار طويل فيه العقاقير مستفة ومرتبة مليح في علب صغيرة أو صناديق صغيرة ويبيع لك منها ..
أي دخلت قلت السلام عليكم مارد عليا علاه ؟
كان هو ومعاه إمرأة متخبيين بعد كونوال يحكوا ماسمعونيش كان مكسونطري معاها أي قعدت نستنا هي واش دارت طفلة أو بنت هذه عيطت في تلفون لحبيبها بلماسكي رقم مجهول وأنا نسمع داخل الحانوت
قالت حنوني قلها شكون قالت أنا فلانة رد عليها علاه راك تعيطي بالماسكي قالت ماعمديش رصيد وهذا رقم صاحبي
قال صح واش كاين قالت إفلكسيلي قلها صح وفي قعدت تحكي معاه بكلامها المعسول مدة تقريب دقيقة بعدها قلها مولى حانوت نتاع العقاقير يكفي صوته يكفيني كوبي صايي تكفي أي كوبات على حبيبها
قالها ساحر أو مولى حانوت عقاقير ذرك نجرجورك صوتوا يكفيني مانحتاجش صورة بعدها فاق بلي راني في حانوت أي تقلق وقلي واش راك تدير هنا ومن وينتا ونت هنا قتلوا من قبل كلمة حنوني ...
مهم شريت زيت زيتون وخرجت وقعدت أنا وصحابي نستناو في طفلة تخرج من الحانوت وواحد صاحبي راه بلغ عليه عن شرطة مهم طفلة ماطولت وخرجت تبعناها وكي وصلت لواحد قنطرة نتاع واد رماة ساشي في الواد أي صاحبي قلها قريقري قاتله درته لختك
هو ضربها وازلنا للواد لقينا حجاب وسحر أغوذ بالله عطيناه للإمام وهي بلغوا عليها جماعة مابعدها مانيش عارف واش صرى ..
هذي صاترلي عندها أكثر من 10 سنوات تفكرتها اليوم ..
مهم من هذاك النهار مانردش على حتى أي شخص يكون رقمه غير مسجل عندي أو رقم مجهول إلى يومنا هذا حتى يرسلي ميساج وحتى أنا هذي طريقة دارتلي مشكلة في الخدمة ومع ناس بصح حيطة الواحد ماسلكش هي لن يصيبنا إلا ماكتب الله لنا .
بصح كي تلقى ناس مسحورة على أتفه الأسباب غير حسد كره بدون سبب للتجربة فقط ووصلت ولاة ناس تسحر للمتعة فقط
طريقة الحماية وتجنب التعرض للسحر عبر مكالمة هاتفية فقط من شخص تعرفه أو لاتعرفه