قانوا ناس بكري :
نوصيك ياقاري حديثي على زوج حوايج اذا خطاوك ابكي عليهم بالدم أما الباقي الله يسمح .....
الأولى : قالك لي يخطوه الوالدين مايبقالو قلب حنين.
الثانية : الصحة قالك صحتك هي راس مالك اذا راحت ماعندو مايبقالك.
كاين المرا لي تعليك..... وفي وقت ضعفك تقويه
وفي همك تنسيك .....واذا كثرو جراحك تداويك
وكاين المرا تعييك.... وفي وقت ضعفك تضحك عليك
وفي همك تزيد عليك......واذا كثروا جروحك تكويك.
خدمة الحلال تقوي الرجال
اخدم في الشمس وكول في الظل
وإخدم ياصغري لكبري وإخدم في كبري لقبري.
والخدمة ماشي عيب والراجل كي الصيد لما يغيب يجيب شاقي ولا محتاج.
والتجارة تقطع سلاسل الفقر.
اخدم يعينوك وارقد يهينوك.
